پاکستان کے سابق تیزگیندبازشعیب اختر نے انکشاف کیا ہے کہ انہوں نے 2006 کے ٹیسٹ میچ کے دوران ہندوستان کے وکٹ کیپر بلے باز مہندر سنگھ دھونی کو جان بوجھ کر بیمر گیند پھینکی تھی۔
اختر نے بتایا کہ یہ معاملہ 2006 میں فیصل آباد میں ہندوستان بمقابلہ پاکستان ٹیسٹ میچ کا تھا۔ انہوں نے کہا کہ اس میچ میں پچ بہت ہی فلیٹ تھی اور بولنگ میں تمام کوششیں کرنے کے باوجود انہیں کامیابی نہیں مل رہی تھی۔ 44 سالہ سابق فاسٹ باؤلر نے کہا کہ انہوں نے دھونی کو غصہ میں بیمر گیند پھینکی تھی کیونکہ وہ اس دن بہترین طریقہ سے کھیل رہے تھے۔ انہوں نے بتایا کہ ان کا گھٹنا 1997 سے مکمل طور پر بیکار ہوچکا تھا اور اس میچ میں انہیں بہت تکلیف ہو رہی تھی اور انہوں نے یہ میچ انجیکشن لگا کر کھیلا تھا۔
اختر نے کہا ، “1997 کے بعد سے ، میرے گھٹنے میں تکلیف ہے اور اب اس کا کوئی فائدہ نہیں ہے۔ اس کے باوجود میں لڑا اور کھیلنے کے لئے انجیکشن کا استعمال کیا۔ انہوں نے کہا ، “دھونی فیصل آباد ٹیسٹ میں عمدہ کارکردگی کا مظاہرہ کر رہے تھے اور اس میچ میں وکٹ بہت سپاٹ تھی۔ میں نے اس میچ میں کھیلنے کے لئے انجیکشن کا استعمال کیا اور مجھے اس قدر تکلیف ہوئی کہ میں نے فیصلہ کیا تھا کہ یہ میرا آخری ٹیسٹ میچ ہوگا۔
اختر نے آکاش چوپڑا کے ساتھ ان کے یوٹیوب چینل میں کہا “میری فبولا کی ہڈی مکمل طور پر ٹوٹ گئی تھی۔ میں نے آٹھ نو اوورز تیز رفتار سے گیندبازی کی لیکن دھونی اچھی کارکردگی کا مظاہرہ کر رہے تھے۔ میں نے جان بوجھ کر بیمر پھینکنے پر ان سے معافی مانگی۔ “انہوں نے کہا ،” اپنی زندگی میں پہلی بار ، میں نے جان بوجھ کر بیمر پھینکی تھی۔ میں نے ایسا کبھی نہیں کیا تھا۔ مجھے اس کا بہت افسوس ہوا۔ دھونی بہت اچھا کھیل رہے تھے اور وکٹ بہت سست تھی۔ میں مسلسل بولنگ کر رہا تھا لیکن دھونی میری گیندبازی کو بہترین انداز میں قابو کرنے میں کامیاب رہے۔ مجھے لگتا ہے کہ میں مایوس د ہوگیاتھا۔
واضح رہے کہ دھونی نے 153 گیندوں میں 19 چوکوں اور چار چھکوں کی مدد سے 148 رنز بنائے۔ دھونی نے عرفان پٹھان کے ساتھ چھٹے وکٹ کے لئے 201 رنز کی شراکت کی۔ اس میچ میں پٹھان نے 90 رنز کا تعاون دیا تھا۔دھونی اور عرفان کی عمدہ اننگز کے باوجود ، میچ ڈرا رہا اور پاکستان نے اپناتیسرا میچ جیتا اور سیریز ایک ۔صفر سے جیت لی تھی
