بھارتی کرکٹرز روی چندر اشون نے پاکستانی کرکٹرز کی کھل کر تعریف کر کے پاکستانیوں کے دل جیت لیے۔
بھارتی کرکٹر سے حال ہی میں ایک سوال و جواب کے سیشن میں پاکستان کرکٹ ٹیم میں پسندیدہ کھلاڑیوں کے حوالے سے پوچھا گیا جس کا انہوں نے تفصیلی جواب دیتے ہوئے پاکستان میں کرکٹ کے بے پناہ ٹیلنٹ کا اعتراف بھی کیا۔
#40ShadesOfAsh: #CricketTwitter absolutely killed it with >2000 #AskAsh questions. We have handpicked 40 for @ashwinravi99 to answer in his own immitable style. We're very excited for you to see the full video. Here's the teaser glimpse! 🤩 pic.twitter.com/44I8sOteHf
— Crikipidea (@crikipidea) December 15, 2021
روی چندر اشون نے انکشاف کیا کہ میں کافی عرصے سے وکٹ کیپر بیٹر محمد رضوان کو فالو کررہا ہوں اور بلاشبہ وہ ایک شاندار کھلاڑی ہیں اور اپنی ہر نئی اننگ میں بہترین فارم میں ہوتے ہیں۔
پاکستان کے فیورٹ کھلاڑیوں کی بات ہو اور ورلڈ نمبر ون بابر اعظم کا تذکرہ نہ ہو ایسا تو ممکن ہی نہیں ، لہذا بھارتی کرکٹر نے بھی محمد رضوان کی تعریف کے بعد فوری طور پر بابر اعظم کا نام لیا اور ان کی بلے بازی کی صلاحیتوں کو سراہا۔
بعد ازاں انہوں نے پاکستان میں باصلاحیت نوجوان کرکٹرز کی موجودگی کا اعتراف کرتے ہوئے شاہین شاہ کو حقیقی ٹیلنٹ قرار دیا۔
انہوں نے یہ بھی کہا کہ پاکستان کے پاس ہمیشہ باصلاحیت کرکٹرز رہے ہیں اور اب بھی ان کے پاس بے شمار باصلاحیت کرکٹرز موجود ہیں۔
