پاکستان ویمن کرکٹ ٹیم کے ہیڈ کوچ ڈیوڈ ہیمپ قومی ٹیم کو خواتین کرکٹ کی صف اول کی چار ٹیموں میں لانے کے لیے پُر عزم ہیں۔
کراچی میں پریس کانفرنس کرتے ہوئے ڈیوڈ ہیمپ نے کہا کہ پی سی بی کے ساتھ کام کرنا اچھا موقع ہے ۔انھوں نے قومی خواتین ٹیم کی تعریف کرتے ہوئے کہا کہ اس ٹیم میں بتدریج بہتری آئی ہے
، رینکنگ میں ابھی جہاں ہیں، وہاں نہیں رہنا چاہتے ۔ڈیوڈ ہیمپ نے عزم ظاہر کیا کہ پاکستان ویمن ٹیم کو ٹاپ چار ویمن ٹیموں میں لانا ان کا ہدف ہے ۔
Photo Credits: PCB
انھوں نے کہا کہ ویمن کرکٹ کی ترقی کیلئے پلیئرز کا پول بڑھانا ضروری ہے
اس وقت 45 کھلاڑیوں کا پول ہے ، یہ بھی کم نہیں ہے ۔ڈیوڈ ہیمپ کا کہنا تھا کہ کسی بھی پروفیشنل ایتھلیٹ کیلئے سکلز کے ساتھ ساتھ فٹنس بھی ضروری ہے
فیلڈ پر یا پھر فیلڈ سے باہر جو بھی کام ہو اس میں تسلسل ضروری ہے ۔ہیڈ کوچ پاکستان ویمن ٹیم نے کہا کہ پاکستان ٹیم کو ورلڈکپ میں ایک مضبوط حریف کے طور پر لے جانا ہے
یہ سوچ نہیں رکھنی کہ اچھا دن ہوا تو آگے پہنچ جائیں گے بلکہ یہ سوچ رکھنی ہے کہ حریف ٹیموں کو بھی یقین ہو کہ پاکستان ٹیم سیمی فائنل میں ضرور پہنچے گی۔
