رضوان اور فخر کی 113 رنز کی شراکت نے خیبرپختونخوا کو فائنل میں پہنچا دیا
کپتان محمد رضوان اور فخر زمان کی 113 رنز کی ابتدائی شراکت کی بدولت خیبرپختونخواکی ٹیم نیشنل ٹی ٹونٹی کپ کے فائنل میں پہنچ گئی ہے۔ خیبرپختونخوا نے ایونٹ کے دوسرے سیمی فائنل میں سندھ کو 8 وکٹوں کے بھاری مارجن سےشکست دے کر فائنل میں رسائی حاصل کی۔
پنڈی کرکٹ اسٹیڈیم راولپنڈی میں کھیلے گئے میچ میں خیبرپختونخوا نے 143 رنز کا ہدف 2 وکٹوں کے نقصان پر حاصل کرلیا۔ کپتان محمد رضوان اور فخر زمان نے کریز سنبھالتےہی جارحانہ انداز اپنایاتو سندھ کے باؤلرز دباؤ کا شکار ہوگئے۔ دونوں کھلاڑیوں کے درمیان 65 گیندوں پر 113 رنز کی شراکت نے کے پی کی فتح میں اہم کردار ادا کیا۔
یہ بھی پڑھیں
نیشنل ٹی 20: ناردرن کو شکست، سدرن پنجاب فائنل میں پہنچ گئی
پی سی بی نے انگلینڈ کرکٹ ٹیم کو دورہ پاکستان کی باضابطہ دعوت دے دی
جنوبی افریقا کا سیکورٹی وفد یکم نومبر کو پاکستان پہنچے گا ۔
کپتان محمد رضوان نے50گیندوں پر67 رنز کی اننگز کھیلی۔ ان کی اننگز میں 11چوکے شامل تھے۔بائیں ہاتھ کے اوپنر فخر زمان 29 گیندوں پر 8 چوکوں اور 2 چھکوں کی مدد سے 57 رنز بناکر آؤٹ ہوئے۔دونوں کھلاڑیوں کو دانش عزیز نے رخصت کیا۔ اوپنرز کے پویلین واپس لوٹنے پر تجربہ کارمحمد حفیظ اور شعیب ملک نے کریز سنبھالی، دونوں بلے باز بالترتیب 12 اور 6 رنز بناکرناقابل شکست رہے۔
خیبرپختونخوا نے مطلوبہ ہدف 14.5 اوورز میں حاصل کرلیا۔
With 143 runs to chase, @FakharZamanLive Khyber Pakhtunkhwa a solid start!
Highlights https://t.co/7H6AE6lXT4#NationalT20Cup | #HarHaalMainCricket | #KPvSIN pic.twitter.com/xXNeNo16TZ— Pakistan Cricket (@TheRealPCB) October 17, 2020
اس سے قبل محمد رضوان نے ٹاس جیت کر پہلے فیلڈنگ کا فیصلہ کیا تو سندھ کی مضبوط بیٹنگ لائن اپ میچ کے آغاز سے ہی مشکلات کا شکار نظر آئی۔ فاتح ٹیم کی عمدہ باؤلنگ کے سامنے شرجیل خان صفر، اسد شفیق 1، اعظم خان صفر، سہیل خان 9، سرفراز احمد4، انور علی 3، محمد حسنین 1اور غلام مدثر 1 رنز بناکر آؤٹ ہوئے۔
سندھ کے صرف 2 کھلاڑی ہی ڈبل فگرز میں داخل ہوسکے۔ خرم منظور74 اوردانش عزیز 39 رنز بناکر آؤٹ ہوئے۔ دونوں بلے بازوں نے چھٹی وکٹ کے لیے 80 رنز کی شراکت قائم کی۔سندھ کی پوری ٹیم 19.5 اوورز میں 142 رنز بناکر آؤٹ ہوئی۔
میچ میں شاندار اننگز کھیلنے پر خیبرپختونخوا کے کپتان محمد رضوان کو مین آف دی میچ کاایوارڈ دیا گیا۔
ایونٹ کا فائنل سدرن پنجاب اور خیبرپختونخوا کے درمیان اتوار کی شام ساڑھے سات بجے کھیلا جائے گا۔
