فاسٹ بولر عثمان شنواری نے ریڈ بال کرکٹ چھوڑ دی

قومی کرکٹ ٹیم کے فاسٹ بولر عثمان شنواری ریڈ بال کرکٹ سے الگ ہو گئے۔

سماجی رابطے کی ویب سائٹ ٹوئٹر پر اپنے بیان میں قومی ٹیم کے فاسٹ بولر عثمان شنواری نے بتایا کہ میں کمر کی تکلیف سے اب چھٹکارا پا چکا ہوں، میں اس وقت مکمل فٹ ہوں، میں نے کرکٹ میں کم بیک کر لیا ہے تاہم ڈاکٹر اور فزیو کے مشورے کے بعد میں طویل دورانیے کا فارمیٹ چھوڑ رہا ہوں۔

Thanks to @sportsphysiojav ALHAMDULILLAH I have made my comeback again from back injury and now I am absolutely fit but due to my Doctors and physio advises I have to leave Long format to avoid such injuries in future and prolong my Cricket career.I am Resigning from Red ball pic.twitter.com/63gy4J7RKS

— Usman khan shinwari (@Usmanshinwari6) November 16, 2021

عثمان شنواری کا کہنا تھا کہ کرکٹ کیرئیر کو طویل کرنے کے لیے ریڈ بال کرکٹ سے استعفیٰ دے رہا ہوں ، کمر کی انجریز سے بچنے کے لیے میں نے یہ فیصلہ کیا ہے۔

واضح رہے کہ عثمان شنواری نے ایک ٹیسٹ میچ میں پاکستان کی نمائندگی کی اور وہ 33 فرسٹ کلاس میچز کھیل چکے ہیں۔

اس کے علاوی فاسٹ بولر عثمان شنواری نے 17 ون ڈے انٹر نیشنل اور 16 ٹی ٹوئنٹی انٹر نیشنل بھی کھیلے ہوئے ہیں۔