نیشنل ٹی 20: ناردرن کو شکست، سدرن پنجاب فائنل میں پہنچ گئی
نیشنل ٹی ٹوئنٹی کپ کے پہلے سیمی فائنل میں سدرن پنجاب نے دفاعی چیمپئن نادرن کو شکست دے کر فائنل میں رسائی حاصل کرلی۔
راولپنڈی اسٹیڈیم میں کھیلے گئے نیشنل ٹی ٹوئنٹی کپ کے پہلے سیمی فائنل میں سدرن پنجاب نے دفاعی چیمپئن ناردرن پنجاب کو باآسانی شکست دے دی، سدرن پنجاب نے ناردرن کو 7 وکٹوں سے ہرا دیا۔
دفاعی چیمپئن نادرن نے پہلے بیٹنگ کرتے ہوئے سدرن پنجاب کو 161 رنز کا آسان ہدف دیا تھا جو سدرن پنجاب نے 19ویں اوور میں پورا کر دیا۔
سدرن پنجاب کی جانب سے کپتان شان مسعود نے 78 رنز کی ناقابل شکست اننگز کھیلی اور زیشان اشرف نے 32 گیندوں پر 55 رنز کی جارحانہ اننگز کھیلی۔
یہ بھی پڑھیں حسن علی ٹیم میں واپسی کیلئے پر امید
سدرن پنجاب کو گزشتہ روز اپنی شاندار پرفارمنس سے سیمی فائنل تک پہنچانے والے صہیب مقصود اہم میچ میں 16رنز ہی بناسکے، انہیں شاداب خان نے میدان بدر کیا۔
اس سے قبل نادرن کی جانب سے علی عمران 50 اور شاداب خان نے 48 رنز بناکر ٹاپ اسکورر رہے تھے جب کہ سدرن پنجاب کی جانب سے زاہد محمود نے 3 اور محمد عباس نے ایک وکٹ حاصل کی تھی۔
دوسرا سیمی فائنل کے پی اور سندھ کے درمیان کھیلا جائے گا
نیشنل ٹی 20: ناردرن کو شکست، سدرن پنجاب فائنل میں پہنچ گئی
“نیشنل ٹی 20: ناردرن کو شکست، سدرن پنجاب فائنل میں پہنچ گئی” ایک تبصرہ