مانچسٹر ٹیسٹ:پاکستان جیتی بازی ہار گیا

انگلینڈ نے مانچسٹر ٹیسٹ میں پاکستان کو 3 وکٹوں سے شکست دے کر تین میچوں کی سیریز میں 0-1 کی برتری حاصل کرلی۔

پاکستان نے میزبان ٹیم کو جیت کے لیے 277 رنز کا ہدف دیا، جو اس نے 7 وکٹوں کے نقصان پر حاصل کرلیا۔ کرس ووکس اور جوز بٹلر نے سنچری شراکت بناکر اپنی ٹیم کی جیت میں مرکزی کردار ادا کیا۔

کھیل کے چوتھے روز ٹیسٹ کی دوسری اننگز میں پاکستان ٹیم 169 رنز بناکر آؤٹ ہوئی، انگلینڈ کو پہلی اننگز کے 107 رنز کے خسارے کی وجہ سے 277 رنز کا ٹارگٹ ملا۔

ہدف کے تعاقب میں انگلش بیٹسمینوں نے محتاط انداز اپنایا، رنز بنائے لیکن وکٹیں بھی گرتی رہیں، 117 رنز پر آدھی انگلش ٹیم پویلین لوٹ چکی تھی۔

WHAT A COMEBACK!!!

Scorecard/Clips: https://t.co/bmojF1zW06#ENGvPAK pic.twitter.com/vRInnhfvqC

— England Cricket (@englandcricket) August 8, 2020

اس مشکل صورتحال میں جوز بٹلر اور کرس ووکس نے چھٹی وکٹ کی شاندار شراکت میں 139 رنز بناکر ٹیم کو جیت کے قریب کردیا، دونوں نے نصف سنچریاں اسکور کیں۔

بٹلر 75 رنز بناکر آؤٹ ہوئے، لیکن کرس ووکس نے رنز بنانے کے سلسلے کو جاری رکھا اور 84 رنز کی ناقابل شکست اننگز کھیلی۔

💪 SIX! 💪

Buttler smears Shadab into the stands as England's requirement dips below 30 🏴󠁧󠁢󠁥󠁮󠁧󠁿 🇵🇰#ENGvPAK #️⃣ #raisethebat 🏏 @emiratesOT 🏟️

📺 Watch live 👉 https://t.co/E1EJj1BlBB
📱 Blog 👉 https://t.co/Wv40o6As2L pic.twitter.com/EjzN038cMM

— Sky Sports Cricket (@SkyCricket) August 8, 2020

یاسر شاہ نے دوسری اننگز میں بھی عمدہ بولنگ کی اور حریف ٹیم کے 4 کھلاڑیوں کو پویلین کی راہ دکھائی۔ انہوں نے ٹیسٹ میں مجموعی طور پر 8 وکٹیں حاصل کیں۔

شاہین شاہ آفریدی، محمد عباس اور نسیم شاہ نے ایک، ایک وکٹ حاصل کی۔