ویب ڈیسک: پوری دنیا میں گھروں سے لال بیگ ختم کرنے کے لیے مختلف جتن کیے جاتے ہیں، لیکن امریکا میں اس کے برعکس ہوا، ایک کمپنی کی جانب سے گھر میں لال بیگ رکھنے پر لاکھوں روپے کمانے کا موقع فراہم کر دیا گیا۔
امریکا میں ایک کمپنی نے شہریوں کو اپنے گھروں میں 100 سے زائد لال بیگ رکھنے پر 4 لاکھ روپے دینے کی آفر کی ہے۔
رپورٹس کے مطابق پیسٹ کنٹرول کمپنی گھر کے مالکان کو لال بیگ رکھنے پر 2000 ڈالر یعنی چار لاکھ روپے ادا کرے گی تاکہ وہ ان سے چھٹکارا پانے کے لیے بنائے گئے کیمیکل کا تجربہ کر سکیں۔
پیسٹ انفارمر نے کہا کہ لال بیگوں سے نجات کے لیے بنایا گیا نیا کیمیکل نسانوں اور پالتو جانوروں کے لیے محفوظ ہے، انھوں نے بتایا کہ اس تجربے کو عمل میں لانے کے لیے 7 گھروں کا انتخاب کیا گیا ہے۔
ان کا کہنا تھا کہ منتخب شدہ گھروں میں ایک ماہ کے لیے لال بیگوں کو چھوڑا جائے گا، بعد ازاں انھیں ختم کرنے کے لیے ان پر نیا کمیکل چھڑکا جائے گا۔
کمپنی کے مطابق لال بیگ ختم کرنے کا نیا کیمیکل اگر غیر مؤثر ثابت ہوا تو کمپنی روایتی طریقوں سے ان سے چھٹکارا حاصل کرے گی، جس کی کوئی قیمت وصول نہیں کی جائے گی۔
