کیا پی ایس ایل موخر ہوگا ؟

پاکستان کرکٹ بورڈ نے آئی سی سی اجلاس میں اہم کامیابی حاصل کرتے ہوئے پی ایس ایل 2021 کے ایونٹ کو متاثر ہونے سے بچالیا۔
بورڈ سربراہ احسان مانی نے ورلڈ ٹی ٹوئنٹی ایونٹ کو فروری مارچ میں کرانے کی تجویز کی مخالفت کی تھی، پی سی بی چیف کی کاوشوں کی بدولت ممبر ممالک نے اجلاس میں بھرپور سپورٹ کرکے احسان مانی کے اصولی مؤقف کی تائید کی، ٹی ٹوئٹی ورلڈ کپ فروری، مارچ 2021 میں ری شیڈول نہ کرنا پی سی بی کے مؤقف کی تصدیق ہے۔
اور اب آئی سی سی ٹی ٹوئنٹی ورلڈ کپ ملتوی تا ہم پی ایس ایل 2021 کا شیڈول متاثر نہیں ہو گا۔ پاکستان کرکٹ بورڈ نے بھارتی کرکٹ بورڈ کو ایک اور محاذ پر شکست دے کر آئی سی سی اجلاس میں اہم کامیابی حاصل کرلی۔پی سی بی نے بی سی سی آئی کو ایک اور محاذ پر شکست دے دی،
ذرائع کے مطابق ابتدائی طور پر ایونٹ کو فروری، مارچ 2021 میں ری شیڈول کرنے پر غور کیا گیا تھا، تاہم پی سی بی نے پی ایس ایل کے لیے مخصوص ونڈو میں ورلڈکپ ری شیڈول کرنے کی سخت مخالفت کی تھی۔ذرائع کا مزید کہنا ہے کہ بھارتی بورڈ کی یہ کوشش تھی کہ ایونٹ کو فروری، مارچ 2021 میں ری شیڈول کیا جائے لیکن ان کی یہ کوشش پی سی بی نے ناکام بناکر اپنی بات منوالی جب کہ ایونٹ ری شیڈول ہونے سے پی ایس ایل کا انعقاد خطرے میں پڑ جانا تھا۔ اس سے قبل آئی سی سی بورڈ کے چند اراکین احسان مانی کو چیئرمین شپ کی پیشکش بھی کرچکے ہیں اور اب ورلڈ کپ ٹی ٹوئنٹی کی ری شیڈولنگ سے اس بات کو مزید تقویت ملی ہے کہ آئی سی سی میں پی سی بی کی ساکھ بہتر ہوئی ہے۔ دریں اثنا انٹرنیشنل کرکٹ کونسل کے اجلاس میں کرکٹ ورلڈ کپ ملتوی کردیا گیا۔ عرصے سے غیر یقینی صورتحال رہنے کے بعد بالاخر آئی سی سی نے آسٹریلیا میں شیڈول آئی سی سی ٹی ٹوئنٹی ورلڈ کپ کو ملتوی کردیاگیاجو اکتوبر اور نومبر میں منعقد ہونا تھا۔ 2021 اور 2022 میں مسلسل 2 سال ٹی ٹوئنٹی ورلڈ کپ ہو گا۔ گزشتہ چند ہفتوں میں بار بار یہ اطلاعات سامنے آتی رہیں کہ ٹی ٹوئنٹی ورلڈ کپ نہیں ہو سکے گا، گزشتہ روز آئی سی سی کے ویڈیو لنک پر ہونے والے اجلاس میں بالآخر میگا ایونٹ کے التوا کا حتمی فیصلہ کر لیا گیا۔آئی پی ایل کروانے کے لیے بے تاب بھارتی بورڈ کا راستہ صاف ہوگیا، بھارت میں کورونا کی صورتحال بہت زیادہ خراب ہونے کی وجہ سے بی سی سی آئی حکام اپنی لیگ یو اے ای میں کروانے کا پلان بنا رہے ہیں اس کے لیے ستمبر سے نومبر تک ونڈو دستیاب ہوچکی ہے۔