قومی کرکٹ ٹیم کے آل راؤنڈر عماد وسیم نے نیوزی لینڈ کے خلاف سیریز کیلئے پاکستان کے اسکواڈ میں شامل نہ کیے جانے پر سیلکٹرز کو آڑے ہاتھوں لے لیا۔
آل راؤنڈر عماد وسیم نے کہا کہ اگر انہیں سلیکٹرز کی جانب سے بغیر کسی وجہ قومی ٹیم سے ڈراپ کیا گیا تو خاموش نہیں بیٹھیں گے۔
�مذید پڑھیں کپتان بابر اعظم نے نیوزی لینڈ کےانجرڈ کپتان کیلئے پیغام جاری کردیا
انہوں نے کہا کہ ایک سال سے زائد عرصہ مجھے قومی ٹیم سے باہر رکھا گیا میرے پوچھنے پر بھی کوئی وجہ نہیں بتائی گئی لیکن میں دوبارہ ایسا نہیں ہونے دوں گا۔
عماد نے کہا کہ کیرئیر کے اس مرحلے پر ہوں کہ اگر بورڈ مجھے بغیر کسی وجہ پلئینگ الیون میں شامل نہیں کرتا تو اپنی جنگ لڑوں۔
ٹیم سے دور رہتے ہوئے مجھے کبھی کوئی مالی نقصان نہیں ہوا، درحقیقت میں نے پاکستان کے لیے کھیلتے ہوئے جتنا کمایا ہوگا اس سے 10 گنا زیادہ کمایا۔
آل راؤنڈر نے کہا کہ مجھے اپنی صلاحیتوں پر یقین ہے، اگر میں وہ بالر ہوتا جس کے بارے میں کہا جاتا ہے کہ کنڈیشنز پر میرے حق میں نہیں اور آسٹریلیا اور جنوبی افریقہ کی ٹی20 لیگز مجھے معاہدے نہ کرتیں۔
عماد وسیم پاکستان سپر لیگ کے آٹھویں سیزن میں شاندار آل راؤنڈ پرفارمنس کے بعد افغانستان کے خلاف حال ہی میں ختم ہونے والی سیریز میں قومی ٹیم میں واپس آئے تھے۔
نیوزی لینڈ کے خلاف پاکستانی اسکواڈ کا اعلان ہوا تو امید کی جارہی تھی کہ افغانستان کے خلاف ٹاپ رن اسکورر عماد وسیم بھی اسکواڈ کا حصہ ہوں گے.
تاہم گزشتہ دنوں خبر آئی کہ قومی کرکٹ ٹیم کے کپتان بابراعظم نے عماد وسیم کے حق میں ووٹ نہیں دیا.
اور یوں پاکستان سپر لیگ (پی ایس ایل) اور افغانستان کے خلاف پرفارم کرنے والے کھلاڑی کو باہر کردیا گیا۔
