کینیا کے کیلون کیپٹم نے چھبیس اعشاریہ دو میل طویل لندن میراتھن اپنے نام کرلی۔
دوڑ کا آغاز گرینچ سے ہوا جس میں شرکا کینیری وارف، ٹاوربرج اور ٹریفالگر اسکوائر سے دوڑتے ہوئے بکنگھم پیلس کے سامنے مال پر پہنچے۔
میراتھن میں شامل دوڑنے والا ہر ایتھلیٹ کسی نہ کسی چیرٹی کے لیے رقم جمع کرنے کے مقصد سے دوڑ رہا تھا۔
میراتھن کے 45 ہزار سے زائد شرکا میں بوسٹن میراتھن کے بعد لندن پہنچنے والے جیو نیوز کے اینکر محمد جنید بھی شامل تھے۔
اس میراتھن میں دس سے زائد پاکستانیوں نے حصہ لیا اور پاکستان کی نمائندگی کی۔
26 اعشاریہ 2 میل کا فاصلہ سب سے پہلے کینیا کے کیلون کیپٹم نے طے کیا، انہوں نے دو گھنٹے ایک منٹ اور 25 سکینڈز میں ٹائٹل اپنے نام کیا۔
میراتھن مقابلے میں دوسری پوزیشن کینیا ہی کے جیفری نے تین منٹ کے فرق سے اپنے نام کی۔
