انڈین پریمیر لیگ 2020 میں 500 واں چھکا جیمس نیشام نے لگایا
سید پرویز قیصر
کنگس الیون پنجاب کے جیمس نیشام نے انڈین پریمیر لیگ 2020 میں 500 واں چھکا لگانے کا اعزاز حاصل کیا۔ دوبئی میں دہلی کیپٹلس کے خلاف میچ میں آوٹ ہوئے بغیر دس رن کی اننگ میں ڈینیل سمس کی بال پر لگایا گیا انکا واحد چھکا اس ٹورنامنٹ کے38 ویں میچ کی76 ویں اننگ میں پانچواں تھا۔
اس مرتبہ گذشتہ سال کے مقابلے کم اننگوں میں پانچ سو چھکے لگے ہیں۔ دہلی کیپٹلس کے افتتاحی بلے باز پرتھوی شاء نے انڈین پریمیر لیگ 2019 میں پانچ سواں چھکا لگانے کا اعزاز حاصل کیا تھا۔جے پور میں راجستھان رائلزکے خلاف میچ میں اپنی 42 رن کی اننگ کے دوران جے دیو اندکاٹ کی بال پر لگایا گیا انکاواحد چھکا اس ٹورنامنٹ کے40 ویں میچ کی 80ویں اننگ میں پانچ سواں تھا۔
کنگس الیون پیجاب کے مارکس اسٹونیس نے انڈین پریمیر لیگ کے گیارہوں ایڈیشن میں پانچ سواں چھکا لگا نے کا اعزاز حاصل کیا تھاجو اس ٹورنامنٹ کے 34 ویں میچ کی 67 ویں اننگ لگایا گیا تھا۔اس سال سب سے تیز پانچ سو چھکے لگے تھے جبکہ2011 میں سب سے زیادہ میچوں کے بعد پانچ سو چھکے مکمل ہوئے تھے۔ ایسا تب60 ویں میچ کی120 ویں اننگ میں ہوا تھا۔
ابھی تک جو500چھکے مارے گئے ہیں وہ69 بلے بازوں نے لگائے ہیں۔ سب سے زیادہ چھکے کنگس الیون پنجاب کے نیکولس پورن نے لگائے ہیں۔ انہوں نے دس میچوں کی دس اننگوں میں 22 چھکے لگائے ہیں۔راجستھان رائلز کے سنجو سمسن، رائل چیلنجرس بنگلور کے ابراہم دی ویلیراور کنگس الیون پنجاب کے لوکیش راہول 19۔ 19 مرتبہ بال کو باونڈری لائین سے باہر کی سیر کرانے میں کامیاب رہے ہیں۔
سب سے زیادہ چھکے ممبئی انڈینس کے بلے بازوں نے لگائے ہیں۔ اس کے آٹھ بلے بازوں نے81 چھکے لگائے ہیں۔راجستھان رائلز کے بارہ بلے بازوں نے80 چھکے لگائے ہیں۔ کنگس الیون پنجاب کے آٹھ بلے بازوں نے 71چھکے مارے ہیں۔۔سب سے کم چھکے سن رائزرس حیدرآباد کے بلے بازوں لگائے ہیں۔
اسکے دس بلے بازوں نے 42 چھکے مارے ہیں۔
راجستھان رائلز کے بارہ بلے بازوں نے چھکے مارے کا اعزاز حاصل کیا ہے جبکہ سن رائزرس حیدرآباد کے دس بلے بازوں نے ایسا کیا ہے۔دہلی کیپٹلس کے نو بلے بازوں نے ابھی تک چھکے لگائے ہیں۔چنئی کے صرف چھ کھلاڑیوں نے ایسا کیا ہے جو کسی ٹیم کے بلے بازوں کی سب سے کم ٹعداد ہے۔
سنجو سیمسن اور ایشان کشن مشترکہ طور پر ایک اننگ میں سب سے زیادہ چھکے لگانے میں کامیاب رہے ہیں۔راجستھان رائلز کے سنجو سیمسن نے چنئی سپر کنگس کے خلاف شارجہ میں کھیلے گئے میچ میں اپنی74 رن کی اننگ کے دوران نو چھکے لگائے تھے جبکہ ممبئی کے ایشان کشن رائل چیلنجرس بنگلور کے خلاف دوبئی میں اپنی99 رن کی اننگ میں ایسا کرنے میں کامیاب رہے تھے۔ چھ بلے بازوں نے ایک اننگ میں سات۔ سات چھکے لگائے ہیں جس میں سنجو سیمسن بھی شامل ہیں۔ فیصل فیچرس
