2010چنئی سپر کنگز بنا انڈین پریمیر لیگ کا فاتح
انڈین پریمیر لیگ کی شروعات 2008 میں ہوئی تھی اورراجستھان رائلز نے پہلے انڈین پریمئر لیگ چیمپئن ہونے کا اعزاز حاصل کیا۔ 2009 میں دکن چارجرس نے خطاب پر قبضہ کیا تھا۔
تیسرا سیزن جو 2010میں 12 مارچ سے 25 اپریل تک 44 دنوں تک 60 میچ کھیلے گئے تھے۔ یہ پہلا موقع تھا جب بارش کی وجہ سے کوئی میچ منسوخ نہیں ہوا۔ممبٗی انڈینس نے گروپ میں پہلی پوزیشن حاصل کی تھی مگرلیگ میں تیسرے مقام پر رہنے والی چنئی سپر کنگس ٹورنامنٹ کی تیسری فاتح بنی تھی۔ وہ دوسرے ایڈیشن میں تیسرے مقام پر رہی تھی۔
ممبئی میں 25 اپریل کو ہوئے فائنل میں چنئی سپر کنگس نے ٹاس جیت کر پہلے خود بلے بازی کی تھی اور مقررہ 20 اوور میں پانچ وکٹ پر168 رن بنائے۔سریش رینا نے سب سے زیادہ57 رن بنائے۔
انہوں نے35 بالوں پرتین چوکے اورتین چھکوں کی مدد سے یہ رن بنائے تھے اور ناٹ آوٹ رہے تھے۔دلہارا فرنانڈو نے چار اوور میں 23 رن دیکردو کھلاڑیوں کو آوٹ کیا۔ ممبئی انڈینس کو میچ جیتنے اورپہلی مرتبہ خطاب حاصل کرنے کے لئے20 اوور میں 169 رن درکار تھے۔
اس نے 20 اوور میں نو وکٹ پر146 رن بنائے جسکی وجہ سے اسے 22 رن سے شکست ہوئی اور چنئی سپر کنگس نے پہلی مرتبہ چیمپےٗن ہونے کا اعزاز حاصل کیا تھا۔سچن ٹنڈولکرنے سب سے زیادہ48
رن بنائے۔ وہ45 بالوں پرسات چوکوں کی مدد سے یہ رن بنانے میں کامیاب رہے تھے۔شاداب جکاتی نے تین اوور میں 26 رن دیکر دو کھلاڑیوں کو آوٹ کیا۔ سریش رینا کو میں آٖف دی میچ ایوارڈ دیا گیا۔
تیسرے ایڈیشن میں 60 میچوں میں 720 وکٹوں کے نقصان پر26.20کی اوسط کے ساتھ18864 رن بنے۔ یہ رن 2319.5 اووروں میں 8.13 رن فی اوور کے حساب سے بنے۔چارکھلاڑیوں نے اس ٹورنامنٹ میں سنچریاں بنانے کا اعزاز حاصل کیا۔
یہ بلے باز چنئی سپر کنگس کے مرلی وجے، راجستھان رائلز کے خلاف چنئی میں 127 رن، کنگس الیون پنجاب کے مہیلا جے وردھنے، کولکاتہ نائٹ رائیڈرس کے خلاف کولکاتہ میں آوٹ ہوئے بغیر110 رن، دہلی ڈیر ڈیولس کے ڈیوڈ وارنر، کولکاتہ نائٹ رائیڈرس کے خلاف دہلی میں آوٹ ہوئے بغیر107رن اورراجستھان رائلز کے یوسف پٹھان، ممبئی انڈینس کے خلاف ممبئی میں 100 رن تھے۔ یوسف پٹھان نے صرف 37 بالوں پر اپنی سنچری مکمل کی تھی جو انڈین پریمیر لیگ میں تب سے سے تیز اور ٹونٹی تونٹی کرکٹ میں دوسرٰی سب سے تیز سنچری تھی۔
چھ بالروں نے تیسرے ایڈیشن میں ایک اننگ میں چار کھلاڑیوں کو آوٹ کرنے کا اعزاز حاصل کیا۔ اس مرتبہ کوئی بالر ایک اننگ میں پانچ وکٹ لینے میں کامیاب نہیں رہا۔
چنئی سپر کنگس کے ڈاگ بولنگر نے دکن چارجرس کے خلاف ممبئی میں چاراوور میں 13 رن دیکرچار وکٹ لینے میں کامیاب رہے جو اس ایڈیشن میں کسی بھی بالر کی سب سے اچھی بالنگ کارکردگی تھی۔ رائل چیلنجرس بنگلور کے انیل کومبلے نے دکن چارجرس کے خلاف ممبئی میں 3.3 اوور میں 16رن دیکر چار وکٹ لئے جو دوسری سب سے اچھی بالنگ رہی۔ فیصل فیچرس
2010چنئی سپر کنگز بنا انڈین پریمیر لیگ کا فاتح
“2010چنئی سپر کنگز بنا انڈین پریمیر لیگ کا فاتح” ایک تبصرہ